ವಾಡಿ: ಅಯೋಧ್ಯೆಯ ರಾಮ ಮಂದಿರದಲ್ಲಿ ಮೋದಿ ಧ್ವಜಾರೋಹಣದ ಭಕ್ತಿಯ ಸಂಭ್ರಮಾಚರಣೆ

ಗ್ರಾಮೀಣ

ವಾಡಿ: ಪಟ್ಟಣದ ಸಮೀಪದ ಕೊಂಚುರಿನ ಹನುಮಾನ ದೇವಸ್ಥಾನದಲ್ಲಿ ಬಿಜೆಪಿ ಮುಖಂಡರು ಅಯೋಧ್ಯೆಯ ರಾಮಮಂದಿರದಲ್ಲಿ ಮೋದಿ ಅವರು ಐತಿಹಾಸಿಕ ಭಗವಧ್ವಜಾರೋಹಣ ನೆರವೇರಿಸಿದ ಪ್ರಯುಕ್ತ ವಿಶೇಷ ಪೂಜೆ ಹಮ್ಮಿಕೊಂಡಿದ್ದರು.

ಬಿಜೆಪಿ ಅಧ್ಯಕ್ಷ ವೀರಣ್ಣ ಯಾರಿ ಮಾತನಾಡಿ, ಅಯೋಧ್ಯೆಯಲ್ಲಿನ ಭವ್ಯ ರಾಮ ಮಂದಿರದ ನಿರ್ಮಾಣ ಕಾರ್ಯ ಪೂರ್ಣಗೊಂಡಿರುವ ಹಿನ್ನೆಲೆಯಲ್ಲಿ ಇಂದಿನ ಪವಿತ್ರ ದಿನದಂದು ನಮ್ಮ ನೆಚ್ಚಿನ ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರು ಮಂದಿರದ ಶಿಖರದ ಮೇಲೆ ಕೇಸರಿ ಧ್ವಜವನ್ನು ಹಾರಿಸಿ, ನಿರ್ಮಾಣ ಕಾರ್ಯದ ಪೂರ್ಣತೆಯನ್ನು ಅಧಿಕೃತವಾಗಿ ಘೋಷಿಸಿದ್ದು ನಮ್ಮೆಲ್ಲರಿಗೆ ಹೆಮ್ಮೆ ಎನಿಸುತ್ತಿದೆ. ಶ್ರೀ ರಾಮನ ಪರಮಭಕ್ತನಾದ ಆಂಜನೇಯ ಮಂದಿರದಲ್ಲಿ ನಾವು ಜೊತೆಗೂಡಿ ಭಕ್ತಿಯ ಪೂಜೆಯಲ್ಲಿ ಪಾಲ್ಗೊಂಡಿದ್ದರಿಂದ ಧನ್ಯತೆಯ ಭಾವಮೂಡಿದೆ ಎಂದರು.

ಈ ಸಂಧರ್ಭದಲ್ಲಿ ಬಂಜಾರ ಸಮಾಜದ ಅಧ್ಯಕ್ಷ ರಮೇಶ ಕಾರಬಾರಿ, ಇಂಗಳಗಿ ಶಕ್ತಿ ಕೇಂದ್ರದ ಅಧ್ಯಕ್ಷ ಸೋಮು ಚವ್ಹಾಣ, ಯುವ ಮುಖಂಡ ವಿಠಲ ನಾಯಕ, ಮುಖಂಡರಾದ ಕಿಶನ ಜಾಧವ, ರಾಜೇಶ ಅಗ್ರವಾಲ, ಅಂಬದಾಸ ಜಾಧವ, ಅರ್ಜುನ ಕಾಳೆಕರ, ಮಲ್ಲಯ್ಯ ಸ್ವಾಮಿ, ಶಿವಶಂಕರ ಕಾಶೆಟ್ಟಿ, ನಾಗರಾಜ ಗೌಡಗೌಡಪ್ಪನೂರ, ಕಾಶಿನಾಥ ಶೆಟಗಾರ, ಅಂಬ್ರೇಷ್ ದಿಗ್ಗಾಂವ, ಚಂದ್ರಶೇಖರ ಬೆಣ್ಣೂರ, ಶ್ರೀನಿವಾಸ ಅಣ್ಣೆ, ವಿಶ್ವನಾಥ ಬಳವಡಗಿ, ಮಹೇಶ ಮಂತ್ರಿ, ಗುಂಡುಗೌಡ ಚಾಮನೂರ ಸೇರಿದಂತೆ ಅನೇಕರು ಪಾಲ್ಗೊಂಡು ಶ್ರೀ ರಾಮನ ಜಯಘೋಷ ಮೊಳಗಿಸಿದರು.

Leave a Reply

Your email address will not be published. Required fields are marked *