ಕಾಳಗಿ: ವರ್ತಮಾನದ ದಿನಗಳಲ್ಲಿ ಮನುಷ್ಯರು
ಆಧ್ಯಾತ್ಮದ ಬಾಹ್ಯ ಪ್ರಪಂಚದ ಬದುಕೆ ನಿಜವಾದ ಬದುಕು ಎಂದು ಮುಂಗಲಗಿ- ತೆಂಗಳಿಯ ಶಾಂತೇಶ್ವರ ಹಿರೇಮಠದ ಪೀಠಾಧಿಪತಿ ಡಾ.ಶಾಂತಸೋಮನಾಥ ಶಿವಾಚಾರ್ಯರು ಹೇಳಿದರು.
ತಾಲೂಕಿನ ಮಂಗಲಗಿ ಗ್ರಾಮದ ಶಾಂತೇಶ್ವರ ಹಿರೇಮಠದಲ್ಲಿ ಗುರುವಾರ ಸಂಜೆ ಕಾರ್ತಿಕ ಮಾಸದ ಚೆಟ್ಟಿ ಅಮಾವಾಸ್ಯೆ ಅಂಗವಾಗಿ ಹಮ್ಮಿಕೊಳ್ಳಲಾಗಿದ್ದ ಕಾರ್ತಿಕ ದೀಪೋತ್ಸವಕ್ಕೆ ಚಾಲನೆ ನೀಡಿ ಮಾತನಾಡಿದ ಅವರು, ಶಾಂತೇಶ್ವರ ಹಿರೇಮಠದಲ್ಲಿ ಕಳೆದ ಎರಡು ವರ್ಷದಿಂದ ಕಾರ್ತಿಕ ದೀಪೋತ್ಸವ ಆಚರಿಸಲಾಗುತ್ತಿದೆ, ಕಾರ್ತಿಕ ಮಾಸದಲ್ಲಿ ಕತ್ತಲೆ ಬಹಳ ಇರುತ್ತೆ, ಇದು ಬಹಿರಂಗದ ಕತ್ತಲೆಯಾದರೆ ಮಾನವನ ಅಂತರಂಗದಲ್ಲಿ ಅರಿವು ಎಂಬ ಜ್ಞಾನದ ಬೆಳಕಿನ ಅವಶ್ಯಕತೆ ತುಂಬಾ ಇರುತ್ತದೆ. ನಾವು ಅಂತರಂಗದ ಆತ್ಮವಲೋಕನ ಮಾಡಿಕೊಳ್ಳುವುದೆ ದೀಪಾರಾಧನೆಯ ಮುಖ್ಯ ಉದ್ದೇಶವಾಗಿದೆ ಎಂದರು.
ಜಾತಿ ಮತ ವರ್ಣ ಮೀರಿ ಮನುಕುಲವು ಆತ್ಮಜ್ಞಾನದೆಡೆಗೆ ಸಾಗಬೇಕೆಂಬುದೆ ಕಾರ್ತಿಕ ಮಾಸದ ಚಟ್ಟಿ ಅಮಾವಾಸ್ಯೆಯ ದೀಪೊತ್ಸವ ಕಾರ್ಯಕ್ರಮ ದೀಪ ಬೆಳಗಿ ಅಂಧಕಾರ ದೂರ ಮಾಡುವುದೆ ದೀಪೋತ್ಸವದ ಆಶಯವಾಗಿದೆ ಎಂದರು.
ಮಠವನ್ನು ಬೆಳಗುತ್ತಿದ್ದ ಸರಮಾಲೆ ವಿದ್ಯುತ್ ದ್ದೀಪಗಳಿಗೆ
ಪೈಪೋಟಿ ಕೊಡುವಂತಿತ್ತು ಎಣ್ಣೆ ಬತ್ತಿಯ ಬೆಳಕು. ಕರ್ನಾಟಕ ಭೂಪಟ, ಲಕ್ಷ ದೀಪೋತ್ಸವ ಸೇರಿದಂತೆ ವಿವಿಧ ಅಕ್ಷರಗಳ ಮಾದರಿಯಲ್ಲಿ ಬಣ್ಣ ಬಣ್ಣದ ರಂಗೋಲಿ ಹಾಕಿ, ಹಚ್ಚಲಾದ ಸಾಲು ಹಣತೆಗಳ ಬೆಳಕಲ್ಲಿ ಮಂಗಲಗಿ ಮಠ ಕಂಗೊಳಿಸಿತು.
ರಾಜ್ಯ ಮಹಿಳಾ ಆಯೋಗದ ಮಾಜಿ ಅಧ್ಯಕ್ಷೆ ಶಶಿಕಲಾ ಟೆಂಗಳಿ ಮಾತನಾಡಿ, ಸನಾತನ ಧರ್ಮದಲ್ಲಿ ದೀಪಕ್ಕೆ ಬಹಳ ಮಹತ್ವವಿದೆ. ಮಹಿಳೆಯರಿಗೆ ಸಂಸ್ಕಾರ ಇರಬೇಕು, ಒಬ್ಬ ಮಹಿಳೆ ನೂರು ಜನ ಶಿಕ್ಷಕರಿಗೆ ಸಮ. ಮಹಿಳೆಯರು ಮನೆ, ಕುಟುಂಬ ಮತ್ತು ಸಮುದಾಯದಲ್ಲಿ ಬಹಳ ಪ್ರಾಧಾನ್ಯ ವಹಿಸುತ್ತಿದ್ದಾರೆ. ಮಹಿಳೆಯಿಂದಲೆ ಸಮಾಜ ಜಾಗೃತಿಯಾಗುತ್ತಿದೆ. ಮಹಿಳೆಯರು ಸರ್ವ ತಂತ್ರ, ಸ್ವತಂತ್ರರಾಗಿದ್ದರೂ ಕೂಡ ನಾನು ಒಬ್ಬಳೆ ಎಂಬ ಭಾವನೆ ಕಾಡುತ್ತಿದೆ. ನಾವು ಯಾರು ಮಹಿಳೆಯರು ಆ ರೀತಿ ಭಾವನೆ ತಾಳಬಾರದು ಎಂದರು.
ವರ್ತಮಾನದ ಬದುಕಿನಲ್ಲಿ ಮಹಿಳೆಯರ ಸಿದ್ಧಿ ಸಾಧನೆ ಕುರಿತು ವಿವರಿಸಿದರು.
ಈ ಸಂದರ್ಭದಲ್ಲಿ ಪ್ರಮುಖರಾದ ನೀಲಕಂಠರಾವ ಮರಗೋಳ, ಶಾಂತಕುಮಾರ ಮಾಲಿ ಪಾಟೀಲ, ವಿಜಯಕುಮಾರ ಮರಗೋಳ, ಅಂಬರೀಷ್ ಕೋರಿ, ಧನಶೆಟ್ಟಿ ಕಲಬುರಗಿ, ಅಣವೀರಪ್ಪ ಕೋರವಾರ, ರೇವಣಸಿದ್ದ ನೀಲಹಳ್ಳಿ, ಶಾಮರಾವ, ನಾಗೆಂದ್ರಪ್ಪ ಭಾವನಾಗಿರಿ, ಶರಣಸಿದ್ಧ ಮರಗೋಳ, ಮಲ್ಲಣ್ಣ ಭೂತಪೂರ, ನಾಗೆಂದ್ರ ಒಂಟೆತ್ತಿ, ರಮೇಶ ಜಾಧವ, ನರಸರೆಡ್ಡಿ, ಶಿವಶರಣಪ್ಪ ಕಲಬುರಗಿ, ಸಂತೋಷ ಚವ್ಹಾಣ, ಚಂದ್ರಶೆಟ್ಟಿ, ಮಹಿಪಾಲ ರೆಡ್ಡಿ, ಶರಣಬಸಪ್ಪ ಮರಗೋಳ ಸೇರಿದಂತೆ ಅನೇಕರು ಇದ್ದರು.
